24.12.16 今個平安夜送份聖誕禮物畀海洋動物 搞乜東東 x 嶺航戶外歷奇 Rover Adventure *石排灣淨灘自發活動* 今次係石排灣所見垃圾數量相比上次更加多...但我地人數亦比之前多，一行45人齊齊送禮物畀海洋動物～ 未執垃圾前 #搞乜東東@Ka Wing Chan 已經為大家打個底"垃圾係唔會執得哂，大家千萬唔好畀壓力自己，唔好氣餒" 但最終唔多唔少都會氣餒，執左個半鐘都仲有好多垃圾... 而我地見到只係冰山一角，臨完結 #搞乜東東@陳wing帶我地去一個比較隱蔽位置睇海岸垃圾嚴重情況，真係要爆哂粗！一路經過小路兩旁眼見都堆滿好多發泡膠同膠樽等垃圾，個一刻心情好沉重，行去石橋，望到一條疑似垃圾路原來係條垃圾溪流！！係一條充滿哂發泡膠嘅垃圾溪流！！望見個刻真係好心痛！！人嘅自私自利為求一時方便要環境埋單係一件好唔合理嘅事情，如果我地仲唔去改變，下下下幾代仲有無冬天？ 無錯垃圾係執唔哂，今次最主要目的係想大家感受海洋垃圾嚴重程度，眼見係沙灘上執唔完發泡膠粒，每執一次就雪花紛飛，仲有好多好多一次性即棄用品膠叉、膠樽同飲管等垃圾。